ആഗസ്റ്റ് 25 മുതൽ സെപ്തംബർ 8 വരെ നടക്കുന്ന നേത്രദാന പക്ഷചരണത്തിന്റെ ജില്ലാ തല ഉദ്ഘാടനം കോതമംഗലം ബ്ലോക്ക് പഞ്ചായത്തിന്റെയും,ആരോഗ്യ വകുപ്പിന്റെയും സംയുക്താഭിഖ്യത്തിൽ, കോതമംഗലം നഗരസഭയുടെയും മറ്റ് സാമൂഹ്യ-സന്നദ്ധ സംഘടനകളുടേയും സഹകരണത്തോടെ 24/08/2012 ന് കോതമംഗലം 'കലാ' ആഡിറ്റോറിയത്തിൽ വച്ച് നിർവ്വഹിക്കുന്നതിന് ബ്ലോക്ക് പഞ്ചായത്തിൽ ചേർന്ന സ്വാഗത സംഘ രൂപീകരണ യോഗം തീരുമാനിച്ചു. പക്ഷാചരണത്തിന്റെ മുന്നോടിയായി ബ്ലോക്കിന്റെ കീഴിൽ വരുന്ന എല്ലാ പഞ്ചായത്തുകളിലും സ്കൂൾ കുട്ടികൾക്കായി പോസ്റ്റർ രചന, ഉപന്യാസം, ക്വിസ്, മുദ്രാവാക്യ രചന തുടങ്ങി വിവിധ മൽസരങ്ങൾ സംഘടിപ്പിക്കുന്നുണ്ട്. പക്ഷാചണം ചടങ്ങായി മാറാതിരിക്കുവാൻ, നേത്രപടലാന്ധത ബാധിച്ച കുറച്ചുപേർക്കെങ്കിലും കണ്ണുമാറ്റിനൽകുന്നതിനുള്ള കർമ്മ പദ്ധതിയും ഇതൊന്നിച്ച് തയ്യാറാക്കുന്നുണ്ട്. ഉദ്ഘാടനത്തിനു് മുന്നോടിയായി വിവിധ വിഭാഗങ്ങളെ ഉൾപ്പെടുത്തി റാലിയും, സമ്മേളനത്തിന്റെ ഭാഗമായി ബോധവൽകരണ സെമിനാറും സ്കിറ്റുകളും പ്ലാൻ ചെയ്തിട്ടുണ്ട്.
പരിപാടികളുടെ സംഘാടനത്തിനും വിജയത്തിനുമായി ബ്ലോക്ക് പഞ്ചായത്ത് പ്രസിഡന്റ് അഡ്വേക്കേറ്റ് കെ. ഐ. ജേക്കബിന്റെ നേത്യത്വത്തിൽ 101 അംഗ സ്വാഗത സംഘത്തേയും യോഗത്തിൽ വച്ച് തെരെഞ്ഞെടുത്തു....